ನನ್ನ ಮನೆನ 'ನಿನ್ನ ಮನೆ' ಅಂತ ಹೇಳಿರೋ ಹೊಸ ಗೆಳೆಯನ ಕವಿತೆ

** ನಿನ್ನ ಮನೆ **

ನಿನ್ನ ಮನೆ ಇದು ನಿನ್ನ ಮನೆ
ನೀನು ಕಟ್ಟಿ ಬೆಳಸುವ ಮನೆ
ಬಾಳ ದಾರಿಯಲ್ಲಿ ಸಿಕ್ಕ ಮನೆ
ನಾವು ನೀವೆಲ್ಲ ಸೇರುವ ಮನೆ

ನಾನು ಅಥಿತಿಯಾಗಿ ಬರುವ ಮನೆ
ಅವರು ಬಂದು ಹೋಗುವ ಮನೆ
ಇವರು ಇಣುಕಿ ನೋಡುವ ಮನೆ
ಉಭಯ ಕುಶಲ ಕೇಳುವ ಒಲವ ಮನೆ

ಭಾವನೆಗಳ ಹರಿಬಿಡುವ ಮನೆ
ನೋವು ನಲಿವನು ಹಂಚುವ ಮನೆ
ಜ್ಞಾನ ರಸವ ಕುಡಿಸುವ ಮನೆ
ಅನುಭವ ಸಾರ ಉಣಿಸುವ ಮನೆ

ಹಿರಿಯ ಕಿರಿಯರಿರುವ ಮನೆ
ಮನದ ಮಾತುಗಳನ್ನಾಡುವ ಮನೆ
ನೊಂದ ಮನಸಸ್ಸಿಗೆ ಸಾಂತ್ವಾನದ ಮನೆ
ಬಿಸಿಲ ಬಯಲಿಗೆ ನೆರಳಾದ ಮನೆ

ಅರಮನೆಯಲ್ಲ ಇದು ಸಿರಿಮನೆ
ಗುಡಿಸಲಾದರು ಅಕ್ಕರೆ ತುಂಬಿದಮನೆ
ಯಾರು ಬಂದರು ಬೇಡವೆನ್ನದ ಮನೆ
ನಾವೆಲ್ಲ ಸೇರಿ ನಲಿದಾಡುವ ಮನೆ

ಮನದಂಗಳದಲ್ಲಿ ತಂಗಾಳಿ ಸುಯ್ಯುವ ಮನೆ
ನಗೆಯ ಹೂವರಳುವ ಸೊಗಸ ಮನೆ
ಬದುಕಿನ ಕಂಪು ಸೂಸಿ ಘಮಘಮಿಸುವ ಮನೆ
ಪ್ರೀತಿ-ಸ್ನೇಹದ ಕಣಜವಾಗಿರುವ ಮನೆ

ಕಟ್ಟು ನಿನ್ನ ಮನೆ ಅಕ್ಷರಗಳ ಮನೆ
ಮನಸ್ಸು ಮನಸ್ಸುಗಳಿಗೆ ಸೇತುವೆಯಾಗುವ ಮನೆ
ಅನುಭವದ ಇಟ್ಟಿಗೆಯಿಟ್ಟು ಕಟ್ಟುಗಟ್ಟಿ ಮನೆ
ಸಾಮರಸ ಸಹಬಾಳ್ವೆಯ ಅಡಿಪಾಯದಮೇಲೆ

ನಿನ್ನ ಮನೆ ಇದು ನಿನ್ನ ಮನೆ
ನಾವೆಲ್ಲ ಜೊತೆಸೇರಿ ಕಟ್ಟುವ ಮನೆ
ಮೊಳೆತು ಚಿಗಿಯುತಿರುವ ನಿನ್ನ ಮನೆ
ನಮ್ಮೆಲ್ಲರ ಸಹಕಾರದ ನೀರೆರದು ಬೆಳಸಬೇಕು ಈ ಮನೆ

** ಕುಕೂ.....
ಪುಣೆ
05/04/08

ಎಲ್ಲಾ ಬರೀ ಖಾಲೀ, ಖಾಲೀ...

ನನ್ನ ಗೆಳತಿ ಬರೀ ಮಾರಾಯ, ಏನೂ ಬರೀತಿಲ್ವಲ್ಲ.. ಅಂದ್ಲು ಏನು ಬರೀಲಿ.. ನನ್ನ ಮಂಡೆಯಲ್ಲಿ ಏನಿಲ್ಲ.. ಬರೀ.. ಖಾಲೀ.. ಖಾಲೀ.. ಅಂದೆ.. ಬಿಳಿ ಹಾಳೆನಾ ಹಾಕ್ಲಾ ಅಂದೆ.. ಅದಕ್ಕೆ.. ಇದನ್ನೇ ಹಾಕು.. ಚೆನ್ನಾಗಿರುತ್ತೆ ಅನ್ನೋದ.. ಅದಕ್ಕೆ ಒಂಚೂರು ಏನಾದ್ರು ಬರೆದು ಹಾಕೋಣ ಅಂತ ಪ್ರಯತ್ನ ಪಡ್ತಾ ಇದಿನಿ.. ಆದ್ರ.. ಇಗ್ಲೂ ಎಲ್ಲಾ ಖಾಲೀ.. ಖಾಲೀ..

ಬಿಳಿ ಹಾಳೆ ಹಾಕೋದ್ರಲ್ಲೂ ಒಂತರಾ ಮಜ ಇರುತ್ತೆ.. ಖಾಲೀ.. ಹಾಳೆ.. ಯಾರ್ ಏನ್ ಬೇಕಾದ್ರು.. ಬರೀಬಹುದು.. ಅಂತ..

ಇವತ್ತು ನನ್ನ ಹುಟ್ಟುಹಬ್ಬ.. ಇದೇ ವಿಶ್ಯಕ್ಕೆ ನೆನ್ನೆ ಗೆಳೆಯನ ಹತ್ರ ಮಾತಾಡ್ತಿದ್ದಾಗ "ಈನು ಹುಟ್ಟು ಹಬ್ಬ ಅಂತ ಆಚರಿಸಿಕೊಳ್ಳೋದು.. ನಮಗೆ ಇಷ್ಟು ವರ್ಷ ಆಯ್ತು.. ನಾವ್ ಏನ್ ಮಾಡಿದೀವಿ? ಅಂತ ಯೋಚನೆ ಮಾಡ್ಬೇಕು.. ನಾನು ಈಗ ಹೇಗಿದಿನಿ.. ಈ ಒಂದ್ ವರ್ಷದ್ ಹಿಂದ ಹೆಂಗಿದ್ದೆ? ಅಂತ ಯೋಚನೆ ಮಾಡ್ಬೇಕು..." ಅಂತ ಹೇಳಕತ್ತಿದ್ದೆ ಅವ್ನಿಗೆ.. ಆದರ ಒಮ್ಮೊಮ್ಮೆ ಅನ್ನಸ್ತತಿ ನಾನ್ ಇಷ್ಟರ ಬೆಳದ್ ಬಂದನಲ... ಇಷ್ಟ ಇದ್ರ ಸಾಲ್ದು ಇನ್ನೂ ಬೆಳಿಬಕು. ನಮ್ಮನ್ನು ಜನ ಗುರುತಿಸ್ಬೇಕು.. ಅಯ್ಯೋ.. ಹೀಗೇ ನೋಡ್ರಿ ಏನೋ. ಬರಿಯಣ ಅಂತ ಕೂತ್ರ ಹಿಂಗ ಏನೇನೋ. ಯೋಚನಿ ಬರ್ತವು.. ಆದ್ರ ಏನ್ ಬರೀಲಿ ಎಲ್ಲಾ ಬರೀ ಖಾಲೀ, ಖಾಲೀ...

ನಿಮ್ ಪ್ರೋತ್ಸಾಹಕ್ಕೆ ಧ್ಯನವಾದಗಳೂ

ನನ್ ಮನೆ ಕಟ್ತೋದಕ್ಕೆ ನೀವೆಲ್ಲ ಇಷ್ಟೊಂದು ಪ್ರೀತಿಯಿಂದ ಪ್ರೋತ್ಸಾಹಿಸುತ್ತಿರೋದು ನೋಡಿದ್ರೆ ನನ್ ಮನೆನ ದೊಡ್ಡ ಅರ್ಮನಿ ತರ ಕಟ್ಟೋಕಾದ್ದಿದ್ರೂ ಸಣ್ಣ ಗುಡಿಸಲನ್ನಾದ್ರು ಕಟ್ಟೇ ಕಟ್ತೀನಿ....